Andaj duhen Kontratat Kolektive të Punës

Ngase ato kujdesen për kushte të drejta e të sigurta pune. Kështu ti si punëmarrës:e mbrohesh nga arbitrariteti dhe forcon pozitën dhe të drejtat tua. Me një KKP ti gjithmonë ke kushte më të mira pune, se sa parasheh ligji. Për shembull KKP rregullojnë:

• Pagat minimale, pagën e 13 mujore, barazinë në paga për gra dhe burra
• Vazhdim i marrjes së pagës gjatë sëmundjes, shtatzënisë, shërbimit ushtarak etj.
• Modele pensionimi, përfshi pensionimin e parakohshëm në profesione me ngarkesë të lartë
• Pushimet e lehonisë dhe atësisë
• Trajnime të mëtejme konkrete
• Modele të favorshme të kohës së punës, më pak «punë me thirrje»
• Siguri në punë dhe mbrojtje të shëndetit
• Rregullim i pushimeve dhe ditëve festive
• Afate më të mira largimi dhe dorëheqjeje
• Plane sociale - nëse janë të nevojshme
• Të drejta pjesëmarrjeje për punëmarrësit

Gjej KKP, e cila vlen në degën tënde

Sindikatat i negociojnë KKP me shoqatat dhe/apo me punëdhënësit. Unia është partner kontraktues në 250 KKP në ndërtimtari, në shërbime profesionale, në industri dhe në zejtari. 

Ne përfaqësojmë interesat e punëmarrësve dhe shtyjmë përpara shqetësimet e tyre. Prandaj anëtarët janë të rëndësishëm. Vetëm kështu e dimë ne, cilat janë shqetësimet në një sektor. Kur jemi shumë, jemi më të fortë. Më e mira është: Ne u rimbursojmë anëtarëve tanë, tërësisht ose pjesërisht, kontributet profesionale, që atyre u zbriten nëse i nënshtrohen një KKP-je. Kjo domethënë, ty të kthehet një pjesë e konsiderueshme e kontributit që ti paguan për anëtarësim.